Kali vy tak i nie zmahli zrazumieć bielarusaŭ

Джон Уик

Tajamnicy dušy bielarusa zastajucca niespascižnymi časta navat dlia «braterskich» susiedziaŭ. Adnak usio na samaj spravie prazaična prosta, niachaj i nie asabliva adpaviadaje zvyklamu abyvacieĺskamu ŭjaŭlienniu pra žycharoŭ krainy blakitnych azior.

U pieršuju čarhu: bielarusy pa svajoj natury intravierty. Panujučaje pryrodžanaje imkniennie trymać dystancyju ad navakoĺnych, kab im nijak nie pieraškadžać i kab jany nijak pieraškodzić nie mahli — heta naša ŭsio. Šumieć, pryciahvać uvahu, irvać bajany, liezci da kahości bratacca — nie pra bielarusaŭ i nia dzielia bielarusaŭ.

Pry hetym bielarus hatovy siabravać z usimi vakol — sajuzy, unii i inšaje “braterstva” z liohkasciu, ALIE na dosyć biaspiečnaj adliehlasci i nie suprać kaho-niebudź inšaha. Tamu što bielarus u roŭnaj stupieni nikomu da kanca nie daviaraje.

Bielarus zaŭsiody hatovy da vajny i zaŭsiody hatovy da horšaha, ALIE pry hetym da apošniaha budzie staracca pa-dobramu pazbiehnuć kanfliktu. Ŭpotaj namacvajučy kamień paboĺš. Navat u relihii (raz pra kamiani zhadaŭ, užo baliuča u hetym planie jašče z jazyčnickich časoŭ tut papuliarnyja) bielarusy histaryčna staranna pazbiahajuć radykaĺnych pazicyj, i hatovyja radykaĺna adstojvać chiba što adsutnasć radykalizmu. Tamu paliak moža być na ŭsiu halavu prychiĺnikam katalicyzmu, a rasiejec — pravaslaŭju, alie bielarus spakojna budzie stavicca da hetaha ŭsiaho, plius da islamu, judaizmu, pratestantyzmu i pahanstvu ŭ jakasci bonusa. Tamu što “kožny ŭ niečym maje racyju.”

Bielarusam nie cikavyja vielič, daminavannie, liderstva i inšaje samascviardžennie — heta ŭsio toĺki prynosić dadatkovyja klopaty i moža pryciahnuć da siabie zališniuju ŭvahu, a to i zajzdrasć. A bielarusy zališniaj da siabie ŭvahi nie liubiać, sami nie zajzdrosnyja i nie žadajuć, kab zajzdroscili im. Tamu vy chutčej pačujecie ad bielarusa apaviadanni pra toje, što malako ŭ rekach nie takoje ŭžo i maločnaje, dy i kisialiovyja bierahi ŭžo daŭno nie tyja. I ŭ inšych niesumnienna ŭsio liepš. Bo tak usim budzie spakajniej.

I tak, bielarus zaŭsiody niezadavolieny navakoĺnaj rečaisnasciu. Tamu zaŭsiody budzie niešta “nie jak treba” i vidavočna da horšaha, i naohul nieŭzabavie apakalipsis. Alie ŭ toj ža čas bielarus usio roŭna budzie zachoŭvać zdoĺnasć radavacca — cicha, pra svajo. Inšym nie zrazumieć.

* U jakasci iliustracyi vykarystany kadr z mastackaha fiĺma pra dzicia Bielarusi Iardanija Jevanoviča, šyroka viadomaha jak John Wick, a taksama pad psieŭdanimam “Baba Jaha.”


Dalučajciesia da kamientaroŭ na Facebook i VK, a taksama da navin ab sviežych publikacyjach u Telegram. Pračytali sami — padzialiciesia z inšymi:

Prakamientavać