Nieĺha kancentravać uvahu na Kurapatach — teror byŭ paŭsiuĺ

Kurapaty — miesca trahičnych padziej. I jano, jak i sami tyja trahičnyja časy kamunistyčnaha teroru, nikoli nie pavinna być zabyta. Alie ŭsio boĺš laŭliu siabie na dumcy ab tym, što ŭvaha nieabyjakavaj hramadskasci ZANADTA prykavana da dadzienaha ŭročyšča. BNF (Bielaruski Narodny Front) ŭ 1988 paklali hetaj tradycyi pačatak, i da hetaha času Kurapaty raskručvajuć jak svojeasablivy “simval represij.” Kryžy, šescia, palymianyja pramovy, maliebny, bitvy za achoŭnyja zony i hetak daliej

Alie ŭ adnym toĺki Minsku na samaj spravie viadoma šmat miescaŭ masavych represij NKUS. Niepasredna ŭ Parku Čaliuskincaŭ, pobač z Lošyckim parkam, u Masiukoŭščynie, Trasciancy i va Uruččy — tam liažać dziasiatki tysiač rasstralianych čyrvonymi jak da vajny, tak i paslia. I šmat chto pra heta navat nie viedajuć abo paprostu nie zadumvajucca. A kancentracyja ŭvahi na adnych toĺki Kurapatach stvaraje ŭ prostaha abyvacielia karcinku “lakaĺnasci” trahiedyi.

Miescy represij NKUS na karcie Minska
Viadomyja miescy represij NKUS na karcie Minska

Boĺš za toje, liudzi mohuć žyć, pracavać, charčavacca i zabaŭliacca litaraĺna ŭ ličanych mietrach ad miescaŭ masavych pakaranniaŭ smierciu i pry hetym ŭsurjoz razvažać pra “achoŭnuju zonu” vakol Kurapataŭ. Jak byccam možna «adharadzicca» achoŭnaj zonaj ad trahiedyi, jakaja adbyvalasia paŭsiudna. Pa krainie kalia 120 adnych toĺki miescaŭ pachavanniaŭ (i heta jašče ŭ archivy KDB niama pakuĺ dostupu), a koĺki miescaŭ zatrymanniaŭ, zakliučenniaŭ, “sudovych” pracesaŭ?

Памятный знак репрессированным в парке Челюскинцев
Ustaliavany ŭ 1990 hodzie na ŭskrainie parku Čaliuskincaŭ draŭliany pamiatny znak represavanym. Fota z haziety “Viačerni Minsk”

Kab liudzi reaĺna adčuli maštaby taho, što adbyvalasia, u hadaviny nakštalt “Nočy rasstralianych paetaŭ” varta bylo b ladzić mierapryjemstvy adnačasova ŭ kožnym z viadomych miescaŭ masavych represij. I nadavać uvahu pamiaci nie pra adnyja toĺki Kurapaty. Nieĺha spryjać stvarenniu adčuvannia, što heta adbyvalasia “dzieści tam.” Heta bylo ŭsiudy.


Dalučajciesia da kamientaroŭ na Facebook i VK, a taksama da navin ab sviežych publikacyjach u Telegram. Pračytali sami — padzialiciesia z inšymi:

Prakamientavać